एका गोरज घडीला
चंद्र आणिला घरात
आणि काजळून गेले
सारे आकाश क्षणात

रातराणीचा सुगंध
साऱ्या गावात दाटला
कसा फांदी फांदीवरी
दंगा वाऱ्याने मांडला

तुझ्या स्वप्नील डोळ्यात
लक्ष चांदणी उत्सव
तुझ्या ओठांनी टिपले
माझ्या डोळ्यातील दव

मागे वळायचे नाही
रागे / धागे जोडायचे फुला
शुभ मुहूर्ताचे क्षणी
दिवा पाण्यात सोडला

कवी – अरुण सांगोळे
गायक – पं श्री सुरेश वाडकर
संगीत – श्रीधर फडके
ताल – दादरा

तेजोमय नादब्रह्म